بدون لغة وبدون خبرة سابقة
وصف الفرصة
فرصة شغل صيفي مدفوع الأجر بيقدمها معسكر رامابو الصيفي السكني للأطفال في نيويورك
الفرصه دي للناس اللي مهتمين بتجربة العمل الميداني مع مجموعة كبيرة من الأطفال منهم اطفال من ذوي القدرات الخاصة
في كل صيف ، معسكر رامابو بيخدم أكثر من 500 طفل من ذوي الاحتياجات الخاصة ، بتكون أعمارهم ما بين 6 و 16 سنة
الشغل اللي انت هتشارك فيه ده هيكون بمساعدة وتوجية خبراء من قادة المدارس والعاملين من الشباب ومقدمي الرعاية في امريكا
الواجبات المطلوبة من المتقدم
1- مطلوب منك التفاعل اليومي مع الأطفال اللي بيواجهوا درجات متفاوتة من التحديات الاجتماعية والعاطفية والتعليمية
2- لازم تظهر بقدرة عالية على تلبية احتياجات الأطفال دول وتعليمهم مهارات جديدة أثناء وجودك في المعسكر الصيفي ده
3- هيكون فيه اسبوع تدريب ليك قبل الشغل الأساسي بتعملة الهيئة المنظمة
وهتشارك فيها معاك المقالات ومقاطع الفيديو عشان انت تراجعها قبل الكامب ،
وهيكون فيه دليل استشاري عشان تقرأة قبل بداية أسبوع التدريب
عدد الاماكن المتاحة
مدة الفرصة
مكان الفرصة
البلاد المستهدفة
مميزات الفرصة
1- تدريب صيفي مكثف في امريكا وكورس تدريبي عن ال Field Experience in Special Education
والتدريب ده يعادل 6 مقررات دراسية جامعية
2- غرفة ليك وإقامة مجانية في الحرم الجامعي لراينبيك
3- راتب شخصي عباره عن 1400 دولار
وجميع المتقدمين هيحصلوا على بدل سفر على أساس الأميال بحد أقصى 300 دولار ،
هذا البدل مشروط بإتمام المواعيد المتفق عليها للعمل
4- ثلاث وجبات يومية لكل متقدم طوال فتره المعسكر
5- توفير Shuttle bus مجاني لنقل المتقدمين من مطار جون اف كيندي أو مطار لاجوارديا الأمريكي الي مقر إقامة المتقدمين في مدينة راينبيك في نيويورك
6- شبكة العلاقات اللي هتستفيدها داخل مجتمع Ramapo for Children ،
واللي بتضم موظفين ومدربين وأعضاء مجلس إدارة وخريجين مستشارين ،
يعني المعسكر ده هيديك فرصة للحصول فيما بعد علي وظائف في مجالات التعليم والعمل الاجتماعي وعلم النفس
7- هتتعلم أنك تفهم سلوك الطفل وتعرف ازاي تتواصل معاة و هتتعلم ازاي تنشئ بيئة مناسبة حولين الاطفال دول عشان تظهر كل نقاط القوة عندهم
التخصصات المطلوبة لهذة الفرصة
التقديم متاح سواء للطلاب أو الخريجين
و مش شرط وجود خبرة سابقة أو دراسة سابقة لهذا النوع من العمل
يعني مش مطلوب منك دراسة أو خبرة سابقة
لكن لو كنت من المهنيين الناشئين في مجالات التربية الخاصة والعمل الاجتماعي
وعلم النفس والمجالات ذات الصلة ، هتكون ليك أفضلية
المهارات المطلوبة لهذة الفرصة
1- مهارات القيادة Leadership Skills
2- الرغبة في التعلم Willingness to learn
3- الالتزام Commitment
4- مهارات التواصل Communications skills
5- مهارات الكمبيوتر Computer skills
مراحل اختيار المتقدمين
بمجرد تقديم طلبك اونلاين ، هيقوم فريق التوظيف بمراجعته وهيتصلوا بيك
عن طريق الايميل في خلال اسبوعين من تقديمك للطلب
ولو نجحت في الابلكيشن وتم اختيارك ، هيتم عمل مقابلة انترفيو معاك سواء عن طريق
مكالمة هاتفية دولية أو مكالمة عن طريق تطبيق Skype
أو اجتماع شخصي لو كنت موجود بالفعل في امريكا
وبعد مرحلة الانترفيو هيقوم القائم بإجراء المقابلة بمشاركة المعلومات بتاعتك مع فريق التوظيف
وهيردوا عليك بعد أسبوع واحد فقط من اجتماع فريق التوظيف الأسبوعي ،
وهيبعتولك دعوة رسمية عشان تدخل السفارة الأمريكية في بلدك وتقدم علي تأشيرة من النوع J1
ولو اتقبلت السفر ل امريكا هيكون في منتصف يونيو ان شاء الله
لينك الموقع الرسمي للفرصة
لينك التقديم علي الفرصة وملئ الابلكيشن
الابلكيشن عباره عن 11 صفحة متتابعة كل لما تخلص قسم هينقلك علي القسم اللي بعدة
هيسألك عن بياناتك الشخصية بالكامل و وسائل الاتصال بيك وهيخليك تختار نوع الوظيفه او التدريب اللي عايز تشتغله اثناء المعسكر
وهيسألك كمان عن دراستك السابقة ونوع دراستك و تاريخ العمل السابق بتاعك سواء عمل بأجر كامل أو عمل تطوعي لو كنت لسة طالب وحاجات كثيرة جدا
الابلكيشن طويل فخد وقتك وانت بتملاه
للتواصل مع هيئة المنظمين
من خلال تلك الايميلات
Camp Ramapo: office@ramapoforchildren.org
Youth Development Institute at Ramapo (YDI): info@ydinstitute.org
Employment: staffing@ramapoforchildren.org