هجرة مقاطعة نيو فاوندلاند الكندية
بدون عقد عمل وبدون حساب بنكي
النهاردة هكلمكم عن نظام هجرة جديد لكندا طرحته الحكومة الكندية اسمه
Priority skills Newfoundland and Labrador
وده برنامج معمول عشان الهجرة بالتحديد لمقاطعه نيو فاوندلاند في كندا
مقاطعه نيو فاوندلاند أعلنت عنه يوم 2 يناير 2021
والمقاطعة عملت البرنامج دة عشان تسهل فيه الهجرة ل الناس أصحاب الكفاءات اللي شغالين بره كندا أنهم ييجوا المقاطعه ويشتغلوا فيها لان المقاطعه عدد سكانها نص مليون شخص فقط وده عدد قليل جدا مقارنه بمساحتها الكبيرة في شرق كندا
مميزات هذا البرنامج
1- اول ميزة أنه مش مطلوب منك اي حساب بنكي عشان تقدم علي البرنامج ده ، يعني بتقدم من غير ما يكون معاك اي حساب بنكي
2 - تاني ميزة انه مش مطلوب منك اي عقود عمل من كندا ، يعني مش مطلوب منك انة يكون معاك اي عقود عمل من المقاطعه دي
3- البرنامج ده بيخليك تقدم علي الاقامه الدائمه مباشرة وكمان من خلال البرنامج ده انت كمتقدم بتحصل علي تصريح عمل work permit مباشرة بعد التقديم والموافقة عليك
الشروط والأوراق المطلوبة لهذا البرنامج
البرنامج ده له طريقين ،
طريق للي عايشيين خارج كندا
وطريق للي عايشيين في كندا
هنتكلم الاول طبعا علي الشروط المطلوبة لو انت عايش بره كندا
1- لازم تلتزم انك هتعيش وتشتغل في المقاطعه دي بالتحديد ، يعني مينفعش تاخد تأشيرة الهجرة منهم واول لما توصل كندا متروحش المقاطعه و تروح اي مقاطعه تانيه في كندا ، ده مينفعش ،
لازم تلتزم انك تعيش في المقاطعه دي علي الاقل 3 سنين من وصولك لكندا وبعد ال 3 سنين دي تقدر بعدها تعيش وتشتغل في اي مقاطعه تانيه في كندا
2- أن سنك يكون أكبر من 21 سنه ، يعني اقل عمر مطلوب هو 21 سنه ، ده الحد الأدنى للعمر لكن مفيش حد أقصي للعمر ، يعني تقدر تقدم حتي لو كان عمرك 60 سنة
3- أنه يكون عندك علي الاقل سنة واحده خبره في مجالك ، يعني اقل حاجه يكون معاك سنه واحده خبره في مجالك اللي هتقدم علية
4- ان وظيفتك اللي بتشتغلها في بلدك تكون واحده من الوظائف اللي فيها عجز في المقاطعه دي اللي بيسموها occupations in demand
التخصصات المطلوبه في هذا البرنامج
فيه وظائف كثيره جدا مطلوبه ، في مجالات كثيره
لو هنبدأ ب المجال الطبي
فمطلوب في المجال الطبي تخصصات كثيره
- تخصص الباطنه
-تخصص النساء و الولاده
- تخصص الباثولوجي والهيماتولوجي وأمراض الدم
- تخصص التخدير
- تخصص الأشعة
- تخصص التمريض
- تخصص الطب النفسي
- ممارس عام
-دكاتره الاطفال حديثي الولاده
وغيرهم كثير في قائمة كامله
لو هندخل علي التخصصات الهندسية والتكنولوجية
مطلوب-مهندسين ميكانيكا
-مهندسين كهرباء
-مهندسين ال Bio Medical
-مهندسين IT
-الناس ال شغالين في مجال ال software
-المطورين عموما زي
ال software developer
وال web developer
وال Net developer
-الناس ال شغالين في مجال ال Data analysis
كمان الفنيين مطلوبين في البرنامج ده
زي الدعم الفني ل computer networkوال security specialist
وال Technical writer
ووالاوفشور تيكنيكان
وال bio informatician
وحاجات تانيه كثيره جدا برضو في قائمة كامله
كمان مطلوب في برنامج الهجرة ده
الناس اللي شغالين في البحر والزراعه
مطلوب منهم اريا مانجر و سايت مانجر و اسيستانت مانجر و فارمنج مانجر وحاجات تانيه كثيرالوظائف كلها تقدر تعرفها من اللينك ده ، اضغط هنا
او من اللينك ده ، اضغط هنا
4- أنه يكون معاك شهاده إثبات لغة زي الايلتس
وهنا مطلوب سكور ضعيف جدا في الايلتس اللي هو CLB5 فيما فوق
يعني مطلوب سكور 4 في الايلتس ،
وسكور 4 ده اي حد يعرف يجيبه ، مجرد مستوي مبتدئين في اللغة
دي كده كل الشروط المطلوبه لو انت هتقدم من بره كندا
الطريق التاني عشان تهاجر المقاطعه دي
لو انت اتخرجت من جامعه اسمها ميموريال داخلوانت تقدر انك تخلي الطريقة دي Back Door للهجرة ، لو معرفتش تحقق شروط الهجرة للمقاطعة دي من خارج كندا فتقدر تسافر تدرس في الجامعه دي وبعد التخرج تقدم علي نظام الهجرة ده وتقعد في كندا بعد الدراسة وتاخد الاقامة الدائمة
طريقة التقديم علي هذا البرنامج
اول حاجه هتسجل علي موقع المقاطعة ، موقع مقاطعة نيو فاوندلاندلينك التسجيل وايضا الشرح الكامل للنظام ده في هذا الرابط ، اضغط هنا
التسجيل ده اسمة Expression Of Interest
وده عبارة عن ابلكيشن إبداء الرغبه في انك عايز تهاجر المقاطعه دي بالتحديد
وانت بتسجل ال EoI هيطلب منك بيانات كثيرة عنك وعن تخصصك وشغلك وعمرك ودراستك والايلتس بتاعك وهكذا
وبيطلب منك حاجه مهمه جدا جدا وهي ال Cv بتاعك
طيب ليه بتبعت ال CV بتاعك مع الابلكيشن ؟
عشان حكومة مقاطعه نيو فاوندلاند بتبعت ال Cv بتاعك ده لأصحاب الأعمال جوه المقاطعه عشان يقيموا البروفايل بتاعك ويشوفوا هتكون اضافه لسوق العمل بتاعهم ولا لا ،
يعني أصحاب الأعمال جوة المقاطعه بيشاركوا حكومة المقاطعة في عملية الاختيار ل أحسن المهاجرين اللي هييجوا المقاطعة
بعد ما بتخلص كل البيانات دي هيبقي عندك ملف رسمي ليك عند المقاطعه وبيطلعلك سكور رسمي ، الاسكور الرسمي ده يعني درجه معينه بناءا علي مؤهلاتك دي ،
مثلا تجيب ٦٠ نقطه ، ٧٠ نقطه ، 80 نقطه ، وهكذا ،
الاسكور ده انت هتنافس بيه مع باقي المرشحين ، واقل سكور مطلوب هو 60 نقطة
والمقاطعه هتحط كل الملفات بتاعتكم كلكم في قرعة وتختار الناس صاحبه اعلي سكور منكم عشان المقاطعة تبعتلكم دعوه
الدعوه دي اسمها invitation to apply
لو ملفك الحمد لله تم اختياره في اول قرعه ، ساعتها المقاطعه هتديك 60 يوم بعد الاختيار عشان انت تملئ ابلكيشن تاني وهو ده هيكون الابلكيشن الرئيسي للهجره بقي وتقدمه اونلاين
لو اتوافق عليك من المقاطعه خلاص ، ساعتها بقي المقاطعه هتديك بقي nomination letter رسمي ،
ترشيح رسمي من المقاطعه عشان تقدم علي الاقامة الدائمة في وزاره الهجرة الكندية وتهاجر كندا أن شاء الله وتاخد الاقامة الدائمة
إجراءات التأشيرة دي وال processing time بتاعها بيكون حوالي 6 شهور فقط يعني في خلال 6 شهور تقدر تهاجر كندا أن شاء الله
شاهد الشرح الكامل لهذا البرنامج من خلال قناتي علي اليوتيوب ، هنا في هذا الفيديو