فيزا الهجرة الجديدة لأستراليا
في 2021
بدون لغة وبدون حساب بنكي
النهاردة هكلمكم عن برنامج هجرة جديد لأستراليا ، وفيزا جديده للهجرة لأستراليا
وهي ال Global Talanted Visa
الحكومة الاسترالية عملت الفيزا دي عشان تخلي الناس الشاطرة فى مجالهم اللي عايشيين خارج استراليا ، يعرفوا يسافروا استراليا بسهولة
وبتديهم fast track يعني مسار سريع عشان يحصلوا علي الاقامه الدائمه مباشرة في استراليا
مميزات تلك التأشيرة
١- مش بتشترط اي شهادات لغه ، يعني مفيش شرط الايلتس نهائي في البرنامج ده ، مش مطلوب منك ابدا انك تقدم اي شهادات لغة
٢- مفيش نظام نقط في البرنامج ده ، يعني مش مطلوب منك انك تجمع اي نقط عكس الهجرة العادية
٣- مش مطلوب منك سنين خبرة معينه ، يعني مش حاطين شرط لسنين الخبره بتاعتك
٤- مفيش شروط للسن في البرنامج ده ، فتقدر تقدم عليها مهما كان عمرك
انواع البرامج المشمولة
في تلك التأشيرة
الفيزا دي ليها 3 برامج تقدر تقدم علي اي برنامج منهم
اول برنامج ال global talent independent program
و ده برنامج للناس الشاطرة في مجالهم وبيدي المتقدمين عليه الاقامه الدائمه مباشرة
والحق انك تعيش في اي مكان في استراليا
تاني برنامج هو global talent employer sponsored
و ده بيدى اقامة عمل مؤقتة للي هيقدموا عليه
وبيشترط وجود عقد عمل من استراليا لازم يكون معاك وقت التقديم علي البرنامج ده
تالت برنامج اسمة
-Supporting Innovation in South Australia
ودي خاصه بالناس اللي عايزه تعمل ابحاث ومشاريع اقتصادية داخل استراليا بالتحديد في SA و كمان للناس ال عندهم شركات ناشئه في بلدهم وعايزين يعملوا startups في استراليا
اولا : ال global talent independent program
مميزات هذا البرنامج
١- مش بيشترط وجود عقد عمل ، يعني تقدر تقدم عليه من غير ما يكون معاك عقد عمل من استراليا
٢- مش بيشترط أن وظيفتك تكون في قائمه وظائف مطلوبه في استراليا ، يعني مفيش قائمه وظائف مطلوبه في البرنامج ده
٣- تقدر تعيش فى اى مكان فى استراليا يعني مش مرتبط بولاية معينه تعيش فيها
٤- البرنامج ده اتعمل فى اخر ٢٠١٩
و كان متحددله ٥٠٠٠ فيزا في السنه فقط
لكن بعد الكورونا وحاليا في 2021 ، عدد التأشيرات المتاحة اتضاعف ٣ مرات و بقى 15 الف فيزا متاحة في السنة
و ده معناه ان الفرصة كبيرة للناس الشاطرة اللي عايشيين خارج استراليا عشان يسافروا عن طريق برنامج الهجرة ده
شروط التقديم علي هذا البرنامج
١- انك تثبت انك هتكون اضافه ل المجال بتاعك لما تسافر استراليا
ودي بتثبتها عن طريق انك بتعمل CV قوي فيه كل خبراتك ، وشهادتك اللي خدتها السنين ال فاتت ،
والدبلومات أو الكورسات اللي انت خدتها في مجالك ، والانجازات بتاعتك في مجالك ،
ولو عندك افكار ابحاث أو مقدمات بحث او حتي لو ناشر ابحاث في بلدك تكتبها ،
كمان تكتب لو واخد اي جوايز أو اتكرمت من اي جهة في بلدك ، باختصار تكتب CV محترم عنك وعن كل حاجه تخصك
٢- انك تثبت انك هتعرف تشتغل في مجالك لما تيجي استراليا
ودي بتثبتها عن طريق انك بتدخل علي جوجل وتبحث عن وظيفتك دي في استراليا وتعرف هي متوفره بكثره في انهي ولايه في استراليا ،
وتعرف متوسط المرتبات وشروط التوظيف لوظيفتك في كل شركه
وفي الاخر بعد ما بتعمل السيرش بتاعك ده هتكتب نتيجة السيرش ده في تقرير وتكتبه علي Word أو PDF
عشان تثبت للحكومة الأسترالية انك هتعرف تشتغل بسرعة
٣- أنه يكون معاك ريفيرال ليتير ،
خطاب توصيه من اي شخص معروف تبع مجالك ده سواء من استراليا أو من نيوزيلاندا
الخطاب ده بيتكتب فيه مميزاتك وقدراتك وانك جدير بالفرصه دي
وممكن كمان تجيب خطاب التوصية ده من اي مؤسسه معروفه تبع مجالك سواء المؤسسه دي في استراليا أو خارج استراليا زي نيوزيلاندا
يعني علي سبيل المثال ، انت دكتور قلب مثلا ، فهتروح تجيب خطاب توصيه من مستشفي قلب معروفه أو دكتور قلب معروف يوصي فيه عليك انك شخص متميز وتستحق الفرصه دي ،
يعني يكون معاك خطاب توصيه من شخص معروف او مؤسسه معروفه في مجالك سواء في استراليا أو خارج استراليا في نيوزيلاندا
٤- أنه يكون فيه اعتراف عالمي بشهادتك
يعني باختصار تكون عامل تقييم أو معادله للشهاده بتاعتك قبل ما تقدم
والتقييم أو المعادله دي مش مرتبطه ب استراليا فقط ، لو عامل تقييم أو معادله أو اعتراف في اي بلد عالميه تانية أو من أي مؤسسه عالميه تابعه لتخصصك فهتكون مقبولة في البرنامج ده
٥- انك تثبت انك هتكون من اصحاب الدخل العالى مستقبلا في استراليا لما تشتغل أن شاء الله هناك في استراليا
وهما محددين علي موقع الحكومة الأسترالية أن في المستقبل لما تسافر استراليا لازم يكون مرتبك ١٥٣ الف دولار استرالى سنويا
والاوفيسر بيقيم الموضوع ده عن طريق أنه بيشوف مرتبك في بلدك
و متوسط المرتبات بتاعه عقود العمل في استراليا وكذا عامل تاني وبيقيم علي اساسه النقطه دي
٦- هما متارجتين سبع اقسام كامله للفيزا دي
يعني ايه اقسام كامله ؟
يعني مثلا هما متارجتين القطاع الصحي
هنا بقي هما مش محددين وظائف معينه داخل القطاع الطبي ، لا لا لا ، هما عايزين اي حد له علاقه بالقطاع الصحي
سواء طب بشري ، أو اسنان ، أو صيدله ، طب بيطري ، تمريض ، علاج طبيعي ، اشعه ، الخ
مثلا تاني قسم هما عايزينة قطاع التعليم
برضة هنا هما مش محددين وظائف معينه في قطاع التعليم ، لكن عايزين اي حد له علاقه بالتعليم
سواء مدرسين من كل الاقسام أو محاضرين في الجامعة لكل التخصصات
أو مدرسين انجليزي ، عربي ، علوم ، رياضه ، الخ
سواء ابتدائي ، أو اعدادي ، أو ثانوي ، الخ
يعني باختصار اي حد له علاقه بالقسم ده
وهكذا في باقي القطاعات المطلوبة
عشان تعرف كل ال 7 اقسام من الوظائف المطلوبة ، ادخل علي اللينك ده ، اضغط هنا
كمان لو عندك ماجستير أو دكتوراه في مجالك خلال ال ٣ سنين الى فاتوا او لو قربت تخلص الدكتوراه فى ال ٦ شهور الاخيرة
ساعتها الفيزا ده بتديلك اقامة دايمة مباشرة و مش محتاج الحصول على اذن او استثناء فى دخول استراليا
طريقة التقديم على تلك التأشيرة
بتعمل خطوات الفيزا على مرحلتين...
اولا بتقدم حاجه اسمها EOI
Expression of interest
من خلال الموقع الرسمي ده ، اضغط هنا
وال EOI معناها انك بتكتب خطاب نية انك عايز تسافر استراليا عن طريق البرنامج ده
و ده بيبقى مختلف عن الEOI العادى بتاع الهجرة العادية ل استراليا
لأنه مش مبنى على نظام النقاط و مش مبني علي معادلة للشهادة ولا وجود سنين الخبرة ، الخ
بتكتب في ال Expression of interest
و ال case officer الاسترالي هيدرس الملف بتاعك كويس و لو اقتنع بالcase بتاعتك وانك هتكون اضافه ل استراليا ساعتها بيبعتلك invitation
بيسموة Invitation to apply يعني بيبعتلك دعوه علشان تقدم على فيزا اسمها 858
ودي الفيزا اللي خاصه بالبرنامج ده
و مش بتدفع رسوم الفيزا الا لما تكون تقريبا اتأكدت انها هتتقبل بنسبة ١٠٠ %
الprocessing time بتاع الفيزا دي سريع جدا...
الprocess والخطوات كلها بتاخد من ٣ - ٤ شهور فقط وبتكون في استراليا بعدها لما بتتقبل أن شاء الله
شاهد الشرح الكامل الخاص بتلك التأشيرة علي قناتي علي اليوتيوب من خلال هذا الفيديو