بدون لغة وبدون حساب بنكي
هنتكلم النهاردة عن نظام هجرة جديد بدون لغة وبدون حساب بنكي
وهو نظام هجرة الدنمارك
الدنمارك عاملة 10 برامج للهجرة إلى أراضيها لكن أنا النهارده هتكلم عن اهم خمس برامج منهم
البرنامج الاول اسمة Positive list scheme
وده برنامج هجرة للعمالة المهرة ، زي كندا واستراليا ونيوزيلندا
وهو اسهل برنامج واكثر برنامج مناسب للجميع ،
مميزات هذا البرنامج
بدون انجلش وبدون دنماركي
2- مش مطلوب منك اي حساب بنكي يكون معاك عشان تقدم
3- مش مطلوب منك تجميع نقط عكس كندا واستراليا ونيوزيلاندا
4- مش مطلوب منك سنين خبره معينه في وظيفتك
5- مفيش حد ادني أو حد أقصي للعمر يعني تقدر تقدم ع البرنامج دة مهما كان عمرك
الشرط الأساسى للبرنامج ده ان وظيفتك تكون مطلوبة في الدنمارك
والبرنامج ده الوظائف المطلوبه فيه بتتجدد مرتين في السنه
مره في يناير ومرة في يوليو ، يعني حتي لو وظيفتك مش مطلوبه حاليا ،
فمتقلقش ، في شهر يوليو الجاي قائمة الوظايف هتتجدد بشكل دوري
وممكن وظيفتك تبقي مطلوبة عادي جدا
البرنامج التاني اسمه Authorisation Scheme
وده برنامج معمول مخصوص ل اي حد شغال في اي تخصص طبي
سواء طب بشري أو اسنان أو صيدله أو بيطري أو تمريض أو علاج طبيعي
وعايز يعمل معادلة كاملة لشهادتة في الدنمارك عشان بعدها ياخد الإقامة ويستقر في الدنمارك
مميزات هذا البرنامج
1- مش بيشترط أنه يكون معاك لغة دنماركية او اي لغة تانيه عشان تعمل المعادله ،
عكس اي دولة تانيه بيشترطوا أنه يكون معاك لغة عشان تعمل المعادله
ودي فرصه كبيره جدا ل اي تخصص طبي ،
لأن البرنامج ده بيسمحلك انك تسافر من غير ما يكون معاك لغة ولما تسافر تقدر تتعلم الدنماركي وانت موجود هناك في الدنمارك
قبل ما تمتحن ال professional test بتاعك يعني امتحان المعادلة بتاعك
وكمان بتقدم علي تصريح عمل مؤقت تشتغل بيه في الدنمارك ك part time job دوام جزئي لغاية لما تخلص المعادله بتاعتك وبتاخد work permit منفصل
اسمه
Employment for adaptation and training purposes
يعني تصريح عمل لحين انتهاء المعادلة
ال processing time للبرنامج ده ، شهر واحد فقط ورسوم التقديم ٢٠٠٠ كرونا دنماركي
لينك التقديم علي البرنامج دة ( اضغط هنا )
ثالث برنامج للهجرة ل الدنمارك اسمه
Researcher and Guest Researcher
Scheme and PHD Studies
ده برنامج للناس اللي شغالين في مجال الأبحاث في بلدهم سواء شغالين في الجامعه او في المؤسسات البحثية الخاصه ،
وعرفوا يتواصلوا مع جامعه أو معهد أو مؤسسه بحثية في الدنمارك وخدوا منهم دعوه سواء دعوه ضيف شرف للأشراف علي الأبحاث أو دعوه لتكملة أبحاثهم في الدنمارك ،
ودي فرصه كبيرة للناس اللي بيدرسوا ماجستير أو دكتوراه في بلدهم وحابين أنهم يكملوا الماستر أو الدكتوراة بتاعهم في الدنمارك وبعدها يستقروا في الدنمارك
فتقدر تعمل استكمال لرسالة الماجستير أو الدكتوراة في الدنمارك عن طريق البرنامج ده بالتحديد
بس الاول بتجيب دعوه من اي جامعه أو مؤسسه بحثية في الدنمارك أنهم موافقين انك تكمل باقي رسالتك عندهم
ال processing time للبرنامج ده شهر واحد ورسوم التقديم عباره عن 4295 كرونا دنماركي
لينك التقديم علي البرنامج دة ( اضغط هنا )
وهنا ايضا ( اضغط هنا )
رابع برنامج للهجرة ل الدنمارك اسمه
Fast Track Scheme
وده برنامج هجرة بتسمح فيه الدنمارك للمؤسسات الدنماركية اللي معتمدين ومسجلين في وزارة العمل الدنماركية اللي اسمها SIRI بتسمحلهم أنهم يستقدموا الأجانب أصحاب الكفاءات العالية من بره الدنمارك في طريق سريع جدا عشان يشتغلوا فورا ،
من خلال البرنامج ده انت ممكن تسافر الدنمارك وتشتغل في خلال اسبوعين فقط.
مميزات هذا البرنامج
1- مش بتشترط وجود لغة
2- مش بتشترط وجود حساب بنكي
شرطها الأساسي انك تجيب عقد عمل من المؤسسات الدنماركية دي
ازاي تجيب عقد العمل ده ؟
هتدخل علي اللينكات الجاية دي
لينك واحد ( اضغط هنا )
لينك اتنين ( اضغط هنا )
دي لينكات كل الشركات والمؤسسات والمستشفيات والعيادات الدنماركية عشان تدور علي وظيفتك عندهم ولما بتلاقي حاجه تناسبك بتعمل حاجه من اتنين
أما انك تراسلهم بالأيميل و تبعتلهم ال CV بتاعك وتكتب معاه Cover letter خطاب توضيحي بيوضح خبراتك وشهاداتك وليه انت اخترت الدنمارك بالتحديد عشان تعيش فيها وليه اخترت شركتهم بالتحديد عشان تشتغل فيها وتستني ردهم عشان تعمل الانترفيو اونلاين
او انك هتلاقي الشركات والمؤسسات دول عاملين ابلكيشن للتقديم علي الوظائف الشاغرة دي من خارج الدنمارك فبتملي الابلكيشن وتجمع الورق المطلوب منك وترفقة مع الابلكيشن وتستني منهم رد عشان تعمل انترفيو معاهم اونلاين ولو قبلوك هيبعتولك العقد اونلاين
لينك التقديم علي هذا البرنامج ( اضغط هنا )
خامس برنامج للهجره للدنمارك اسمه
Start up Denmark
وده برنامج للناس ال عايزين يعملوا مشاريع صغيره او شركات ناشئة في الدنمارك
ومش شرط أنه يكون عندك مشروع في بلدك عشان تقدم علي البرنامج ده ،
كفايه بس أنه يكون عندك افكار مشاريع تقدر تشاركها مع مؤسسين ل مشاريع بالفعل في الدنمارك
وقتها البرنامج ده هيكون مناسب جدا ليك وتقدر تسافر الدنمارك من خلالة
يعني البرنامج كويس للناس اللي عندهم أما افكار مشاريع أو راس مال لمشاريع صغيرة وعايزين يستثمروا في الدنمارك
لينك التقديم علي البرنامج ده ( اضغط هنا )
أحنا بقي هنتكلم بالتفصيل عن اسهل برنامج للهجرة للدنمارك وهو البرنامج الاول
The positive list scheme
اللي مش بيشترط لا لغة ولا حساب بنكي
البرنامج ده له طريقين للتقديم عليه
اول حاجه people with higher education
تاني حاجه people with skilled work
سواء هتقدم ك higher education أو ك skilled work
فالشرط الاساسي سواء كده او كده أن وظيفتك اللي بتشتغلها في بلدك تكون في قائمة الوظائف المطلوبه في الدنمارك
فيه وظائف كثيره جدا مطلوبة
وظائف طبيه كثيرة منهم كمان أطباء أسنان
وظائف هندسية كثيره منهم مدني وكهرباء
وظائف لمتخصصين الكمبيوتر وال IT والبرمجة
كمان طالبين مدرسين بمختلف تخصصاتهم
وطالبين ناس خريجيين بيزنس و خريجيين تجارة ومحاسبين
وحتي بتوع المحاماه والصحافة مطلوبين في البرنامج ده ل اول مرة
وظائف كثيره جدا مطلوبه ،
وعشان تعرف وظيفتك مطلوبه في البرنامج ده او لا
ده لينك الوظائف الكاملة المطلوبه ،
( اضغط هنا )
ادخل شوف وظيفتك موجوده ولا لا
الفرق الوحيد بقي بين التقديم ك higher education أو ك skilled work أن لو هتقدم ك higher education فساعتها كل وظيفه بتحط شروط معينه للتعليم
يعني ممكن تلاقي وظيفتك طالبين منك عشان تقدم عليها ان يكون معاك ماجستير مثلا
عشان كده لو هتقدم ك higher education مش ك skilled worke فلازم تتأكد هل انت محقق الشروط الخاصه بكل وظيفه ولا لا ، وكل وظيفه في قوائم ال higher education بيبقي مكتوب جنبها شروط التعليم المطلوبة ، سواء بكالريوس أو ماستر أو دكتوراه ، حسب كل تخصص بقي
اما بقي لو هتقدم ك skilled work فمش مطلوب شروط خاصه بالتعليم ابدا
كيفية التقديم علي هذا البرنامج
اولا لازم يكون معاك عرض عمل من اي مؤسسه أو شركة أو مستشفي أو عيادة من الدنمارك
عقد العمل ده لازم يكون له شروط معينه زي :
أن السالاري بتاعتك يكون متوافق مع الحد الأدنى للأجور في الدنمارك عشان حقوقك تبقي محفوظة
وكمان اجازاتك والحوافز والامتيازات بتاعتك كلها تاخدها وتبقي مكتوبة في العقد
ولازم السالاري بتاعك يتحط في حساب بنكي دنماركي وتقبض من خلال الحساب البنكي ده
والشركة تملئ فورم ل وزارة العمل والهجرة الدنماركية عشان تثبت فيه ان مؤهلاتك التعليمية متناسبة مع المؤهلات الدنماركية
بعد ما يتبعتلك عقد العمل ده هتعمل 6 خطوات بالترتيب :
1- انك تعمل اكونت علي موقع الهجرة الدنماركي وتاخد ID رقم تعريفي ليك وللملف بتاعك عندهم
بتعمل الاكونت من الموقع ده ، ( اضغط هنا )
2- تدفع رسوم التقديم وهو 4295 كرونا دنماركي
3- تجمع الورق بتاعك كله ، زي الباسبور و إيصال دفع رسوم التقديم و عقد العمل اللي مبعوتلك و شهاداتك الدراسية اللي خدتها من بلدك وهكذا
4- انك تملئ الابلكيشن بالتفصيل وتعملة Submit
لينك الابلكيشن المطلوب ، ( اضغط هنا )
5- انك تروح السفارة الدنماركية في بلدك وتتبصم البصمات البايومتريه
6- تستني الرد منهم علي الابلكيشن بتاعك في خلال شهر من التقديم
ولما بيوافقوا عليك بتروح السفارة وتاخد تأشيرة الهجرة وتسافر بالسلامة أن شاء الله