اسرع برنامج هجرة الى كندا
فى 2021
بدون لغه وبدون حساب بنكي
النهاردة هكلمكم عن نظام هجرة جديد لكندا طرحته الحكومة الكندية اسمه BC PNP Tech Pilot
وده برنامج معمول عشان الهجرة بالتحديد لمقاطعه بريتش كولومبيا في كندا
مقاطعه بريتش كولومبيا عملت البرنامج ده عشان تسهل فيه الهجرة ل الناس اللي شغالين في 29 مجال فيهم عجز داخل المقاطعه
عشان الناس أصحاب الوظائف دي اللي عايشيين برة كندا ، يقدروا يهاجروا كندا ويشتغلوا جوة المقاطعه دي
ويغطوا العجز ده
البرنامج ده اتعمل في 2017 وكان المفروض يخلص السنه اللي فاتت ولكن بسبب العجز الشديد في الوظائف المطلوبة في المقاطعه ، فالبرنامج ده اتمد لغايه 30 يونيو 2021 ،
يعني عملوا تمديد ل البرنامج ده عشان يعرفوا يجيبوا ناس من بره كندا و يغطوا احتياجهم من الوظائف اللي فيها نقص عندهم
مميزات هذا البرنامج
1- اول ميزة أنه مش مطلوب منك اي حساب بنكي عشان تقدم علي البرنامج ده ، يعني بتقدم من غير ما يكون معاك اي حساب بنكي
2 - تاني ميزة انه مش مطلوب منك أي شهاده إثبات لغة عشان تقدم علي البرنامج ده
يعني مش مطلوب منك ايلتس
لأن البرنامج ده مش تبع الاكسبريس انتري لكن تبع حاجه اسمها BC Skilled workers
وحاجه اسمها BC International Graduate
ودول ملهمش اي علاقه ب الاكسبريس انتري الكندي اللي بيطلب شهاده لغه وايلتس
يعني أنت هتكون معفي من تقديم أي شهادات لغه لأنك مهنه عليا وتبع ال BC Skilled workers program مش الاكسبريس انتري بروجرام .
3- السرعه الشديده في إنهاء الإجراءات في البرنامج ده
الإجراءات كلها في البرنامج ده بتخلص في حوالي شهرين فقط ، يعني مراجعه الورق بتاعك بتاخد شهرين فقط وتكون مسافر كندا وده لان البرنامج عامل نظام ال priority processing وهو سرعة فحص الورق المطلوب
4- المقاطعه عن طريق البرنامج دة بتدي دعوات للمتقدمين أسبوعيا ،
يعني كل اسبوع المقاطعه بتدي دعوات وترشيح للمتقدمين عشان يقدموا ويهاجروا
5- البرنامج ده بيخليك تقدم علي الاقامه الدائمه مباشرة وكمان من خلال البرنامج ده انت كمتقدم بتحصل علي تصريح عمل work permit
مباشرة بعد التقديم والموافقة عليك
الشروط والأوراق المطلوبة لهذا البرنامج
1- ان وظيفتك اللي بتشتغلها في بلدك تكون واحده من 29 مجال فيهم عجز في المقاطعه
ال ٢٩ مجال المطلوبين في البرنامج ده هما :
-مهندسين ميكانيكا
-مهندسين مدني
-مهندسين كهرباء
-مهندسين الكيمياء
-مهندسين IT
- الناس ال شغالين في مجال الترجمه ، المترجمين
-الناس ال شغالين في الكتابه ( سواء كتاب القصص أو الروايات وهكذا )
- الناس ال شغالين في التسجيل الصوتي والمرئي
- الناس اللي شغالين في الايديت للفيديوهات
-الناس ال شغالين في تعديل الاصوات و الفويس اوفر
-الناس ال شغالين في datebase analysis
وال data management
-الناس ال شغالين في ال software engineers
وال software Designer
-مبرمجين الكمبيوتر computer programming
-الناس ال شغالين في ال motion picture والتصوير والبرودكاست وكمان مطورين الميديا وال performing art
ووظائف تانيه غير دول
الوظائف كلها تقدر تعرفها من اللينك ده ، اضغط هنا
2- تاني شرط أنه يكون معاك عقد عمل من بريتش كولومبيا في واحده من الوظائف اللي فيها عجز اللي قولنا عليهم دول
وعشان وزاره الهجرة الكندية تسهل علي أصحاب الأعمال في مقاطعه بريتش كولومبيا أنهم يستقدموا اصحاب التخصصات اللي فيها عجز دي من خارج كندا دي
فقاموا لغوا شرط ال LMIA اللي هو اختصار ل resident labour market test
الشرط ده اتلغي تماما
فبقي سهل علي اي صاحب عمل ف مقاطعه بريتش كولومبيا أنه يجيب اي حد من بره كندا من غير ما يرجع للحكومه الكنديه الاول ومن غير ما ياخد موافقه من وزاره الهجرة الكنديه الاول
ومن غير ما يعمل اعلان في الجرايد الكنديه الاول ومن غير ما يثبت للحكومه الكنديه أنه دور جوه كندا الاول عن الوظيفه الناقصه دي ،
يعني باختصار بعد إلغاء الشرط ده ، اي صاحب عمل جوه المقاطعه يقدر يجيب اي حد من بره كندا بعقد عمل براحته
المهم أن عقد العمل يكون مدته سنه علي الاقل ويكون full time يعني دوام كامل
ودي كل لينكات المواقع والشركات الكندية في مقاطعه بريتش كولومبيا اللي تقدر تدور فيهم علي عقود عمل في تخصصك عن طريق انك تدخل علي المواقع دي وتختار وظيفتك وتراسلهم بالأيميل و تبعت ال CV بتاعك وتقدم علي وظيفتك عندهم عشان تجيب منهم عرض عمل أن شاء الله
3- تالت شرط أنه يكون معاك علي الاقل سنتين خبره في مجالك اللي انت هتقدم عليه ، وطبعا هتقدم شهادات الخبره من شغلك اللي اشتغلته في بلدك
طريقة التقديم علي هذا البرنامج
اول حاجه بعد ما يكون معاك عقد عمل ،
هتسجل علي موقع المقاطعة ، موقع مقاطعة بريتش كولومبيا ولينك التسجيل في الرابط ده
وايضا الشرح الكامل للنظام ده في هذا الرابط ، اضغط هنا
وانت بتسجل هيطلب منك بيانات كثيرة عنك وعن عقد العمل اللي معاك
وبعد ما بتخلص كل البيانات دي هيبقي عندك ملف رسمي ليك عند المقاطعه وبيطلعلك سكور رسمي ، الاسكور الرسمي ده يعني درجه معينه بناءا علي مؤهلاتك دي ، مثلا تجيب
٥٠ نقطه ، ٦٠ نقطه ، ٧٠ نقطه ، وهكذا ،
الاسكور ده انت هتنافس بيه مع باقي المرشحين
والمقاطعه كل اسبوع هتحط كل الملفات بتاعتكم كلكم في قرعه وتختار الناس صاحبه اعلي سكور منكم
عشان المقاطعه تبعتلكم دعوه
الدعوه دي اسمها invitation to apply
لو ملفك الحمد لله تم اختياره في اول قرعه ، ساعتها المقاطعه هتديك 30 يوم بعد الاختيار عشان انت تملئ ابلكيشن تاني وهو ده هيكون الابلكيشن الرئيسي للهجره بقي وتقدمه اونلاين وهتدفع ساعتها رسوم الابلكيشن 700 دولار كندي
وإجراءات تأشيرة الهجرة تبع البرنامج ده سريعه جدا جدا ، لأن فيها priority processing ، يعني في خلال شهرين فقط هيتم مراجعه كل ورقك
لو اتوافق عليك من المقاطعه خلاص ، ساعتها بقي المقاطعه هتديك بقي nomination letter رسمي ، ترشيح رسمي من المقاطعه عشان تقدم علي الاقامه الدائمه في وزاره الهجرة الكندية وتهاجر كندا أن شاء الله