الهجرة الى ليشتنشتاين

دولة ليشتنشتاين عباره عن إمارة مستقلة موجوده بين النمسا وسويسرا

مساحتها 160 كيلو متر مربع ودي رابع اصغر بلد في العالم

الإمارة دي متقسمه ل 11 مدينة والعاصمة بتاعتها اسمها فادوز VADUZ

عملتها هي الفرانك السويسري واللغة الرسمية هناك رقم واحد الألماني

ورقم اتنين الانجليزي وعدد سكانها حوالي 38 الف شخص فقط

باسبور ليشتنشتاين قوي جدا وبيدخلك 179 بلد مجانا من ضمنهم كل بلاد أوروبا

بالنسبه ل الرواتب

متوسط الرواتب هناك عبارة عن 5197 يورو ودي اعلي رواتب في أوروبا

بالنسبة ل المعيشة

لو هتاخد غرفة كامله هناك في الشهر بتدفع حوالي 1365 يورو في الشهر

وكمان مصاريف الاكل والشرب والمواصلات شهريا ممكن تبقي حد ادني 600 يورو

لينك الموقع اللي تعرف من خلاله كل مصاريف المعيشه والسكن والمواصلات

في ليشتنشتاين اضغط هنا

انواع التأشيرات في ليشتنشتاين

الاول هنتكلم عن تأشيرات السياحة

ليشتنشتاين ملهاش سفارات دبلوماسية في البلاد العربية

لكن هي ضمن بلاد الشنجن ، يعني لو معاك اي تأشيرة من تأشيرات بلاد الشنجن

والاتحاد الأوروبي ساعتها تقدر تدخلها مجانا وبدون فيزا

ولما بتدخلها كسياحة بيكون مسموحلك انك تعيش هناك كسائح لمده 90 يوم فقط

للسياحة فقط ، يعني تتفسح فيها لمده 90 يوم بدون فيزا

طريقة السفر الى ليشتنشتاين

ليشتنشتاين ملهاش مطار دولي عشان كده بتدخلها

يأما عن طريق سويسرا وبالتحديد من زيورخ بالاتوبيس أو التاكسيات

يأما عن طريق النمسا سواء بالقطر أو بالعربية من خلال طريق اسمة فيلدكيرش النمساوي

ثانيا : اقامة الدراسة

ال Resident permit replacement

بتاخد إقامة الدراسة دي لما بتروح تدرس هناك في أحد الجامعات أو المعاهد الاربعه

اللي موجودين في ليشتنشتاين ،

اشهرهم طبعا هي الجامعه الرئيسية للأمارة اللي اسمها جامعة ليشتنشتاين

ومن مميزات الجامعه دي أنها مش بتشترط أنه يكون معاك شهاده ايلتس

أو أي شهادة لغة عشان تدرس هناك ، لأنهم بيدوك سنه تحضيري

تدرس فيها اللغة الاول سواء الانجلش أو الالماني قبل ما تبدأ دراستك

وبيسمحولك انك تشتغل مع الدراسة حوالي 21 ساعه في الاسبوع

ولما بتتخرج وبتخلص دارسة بيكون ليك أولوية في الشغل مباشرة في ليشتنشتاين

طيب ازاي تاخد إقامة الدراسة دي ؟

لازم الاول تجيب قبول جامعي من الجامعه دي ، يعني بتجيب موافقه

من جامعة ليشتنشتاين انهم موافقين انك تدرس عندهم ،

فأنت ببساطة هتبعت ايميل ليهم تستفسر عن الشروط والأوراق المطلوبة للدراسة

لينك الجامعه دي والايميل بتاعهم اضغط هنا

عشان تبعتلهم ايميل وهما هيردوا عليك ويقولولك الورق المطلوب منك ،

وانت هتجمع الورق المطلوب منك ده وتبعته ليهم عشان يدولك القبول الجامعي

بعد ما تجيب القبول ده ، هتروح عشان تاخد تأشيرة دراسية من السفارة

ليشتنشتاين ملهاش سفارات في البلاد العربية فأنت هتقدم علي تأشيرة الدراسة

من خلال سفاره سويسرا في بلدك

اهم شرط عشان تاخد تأشيرة الدراسة من سفارة سويسرا أنه يكون معاك

حساب بنكي يثبت انك هتعرف تصرف علي دراستك هناك

الحساب البنكي ده يكون موجود فيه 5000 يورو ومش شرط يكون عليه حركات

سحب وإيداع المهم المبلغ يكون موجود في حسابك وقت ما تقدم علي الفيزا

ثالثا اقامة العمل

الاول لازم تعرف أنهم علي موقع الحكومة في ليشتنشتاين مقسمين الوظائف لنوعين

اول نوع ال Regulated Professional

يعني الوظائف اللي بتحتاج رخصه مزاوله المهنه ولازم قبلها تمتحن امتحان المعادله

أو تتدرب تدريب معتمد الاول في ليشتنشتاين قبل ما تشتغل هناك

الوظائف دي زي :

-القطاع الطبي كله بما فيهم أطباء النفس

-الطب البيطري

-المدرسين بكل تخصصاتهم

-المحامين

-مهندسين المعماري

-خريجين كليه تجاره وأقسام المحاسبه والمالية

كل التخصصات اللي قولناها دي لازم تاخد رخصه مزاوله المهنه الاول

عشان تشتغل في ليشتنشتاين

طيب ازاي بتاخد الرخصه دي ؟

هتقدم علي تأشيرة اسمها Short term resident permit

برضو بتقدم عليها من سفاره سويسرا في بلدك

ودي تأشيرة مدتها 180 يوم فقط يعني 6 شهور فقط

بتاخدها وبتسافر ليشتنشتاين تمتحن امتحان المعادله وبعد ما بتخلص

بتشتغل مباشرة هناك في مجالك ، يعني مش مطلوب منك اي عرض عمل ،

انت بتخلص المعادله وبعدها بتاخد تصريح عمل مدته سنه بيتجدد سنويا

ودي الميزه في الوظائف دي انك مبتحتاجش عرض عمل ، بتسافر مباشرة لهناك

لينكات كل المؤسسات اللي تعرف من خلالها ازاي تعادل شهادتك حسب تخصصك

اضغط هنا

النوع التاني بقي من الوظائف المطلوبه

هي ال Non Regulated Professions

يعني الوظائف اللي مبتحتاجش اي امتحانات سابقه أو معادله

ودي بتشمل باقي الوظائف اللي مش موجودين في اول قائمة

منهم كل الوظائف الحرفية والتكنولوجية والزراعة والعلوم والمترجمين ، وهكذا

عشان تاخد إقامة العمل ك non regulated Professions لازم يكون معاك

عرض عمل من ليشتنشتاين

طيب تجيب عرض العمل ده منين وانت في بلدك ؟

لينكات مواقع التوظيف في ليشتنشتاين عشان تقدم علي الوظائف المتاحه

موقع الوظائف الاول اضغط هنا

موقع الوظائف التاني اضغط هنا

موقع الوظائف التالت اضغط هنا

وكل ما كان ال CV بتاعك كويس وخصوصا لو معاك لغة الماني ،

كل ما فرصتك انك تجيب عرض عمل هتبقي افضل وافضل

وبعد ما بيكون معاك عرض العمل في الوظائف اللي مبتحتاجش معادلة ،

بتروح تقدم علي إقامة العمل من سفارة سويسرا في بلدك

ثالثا اقامة الاستثمار

ليشتنشتاين اكثر بلد في أوروبا بتشجع الاستثمار ، وبتفرض ضرائب قليله جدا

علي الشركات ، حوالي 7% فقط ضرائب لدرجة أن في 2019 عدد الشركات

اللي اتوافق عليها من إدارة الهجرة وصل ل 74 الف شركة حديثة

انت بقي عشان تستثمر هناك لازم يكون معاك علي الاقل 100 الف فرانك سويسري

عشان يوافقوا ليك علي إقامة المستثمر من النوع D

والإجراءات في فيزا المستثمر بتاخد شهر واحد فقط وبتقدر تاخد الإقامة الدائمة

بعد 5 سنين إقامة في ليشتنشتاين

اللينك اللي تعرف من خلاله كل حاجه عن طرق الاستثمار في ليشتنشتاين