تأشيرات العمل وعقود العمل فى امريكا 2021
هنتكلم النهارده عن تأشيرات العمل في امريكا وعقود العمل في امريكا سواء المؤقتة او الدائمة
فيه 15 نوع من أنواع تأشيرات العمل اللي بتخليك تشتغل في امريكا
ال 15 نوع دول متقسمين علي 3 مجموعات
اول مجموعه اسمها
Temporary Employment Visa
ودي عباره عن تأشيرات عمل مؤقته بتخليك تشتغل في امريكا بعقود مؤقته محدده المدة وبتكون قابله للتجديد بعد انتهائها
تاني مجموعه اسمها
Employment Based Immigrant Visa
ودي تأشيرات هجرة علي اساس العمل ، بتؤهلك للحصول علي الاقامة الدائمة في امريكا
ودي تأشيرات للعمالة الماهرة زي هجرة كندا واستراليا ونيوزيلاندا للعمالة المهرة
تالت مجموعه اسمها
Exchange visitor visa
ودي تأشيرات للناس اللي هتروح امريكا في برامج تبادل من بلدهم مع مؤسسات وهيئات أمريكية ، سواء للطلاب أو الخريجين
ودي تأشيرات ممكن تكون مدتها طويله او قصيرة حسب البرنامج اللي هتسافر علية
اول مجموعه وهي
Temporary employment visa
التأشيرات الخاصه بعقود العمل المؤقته
ودي بتضم 10 تأشيرات كاملين
الشرح الكامل لتأشيرات تلك المجموعة مع طريقة التقديم لهذه المجموعة
في هذا الرابط اضغط هنا
اول تأشيرة اسمها H1B
Person in speciality occupation
ودي للناس المتخصصه في مجالهم
وبتحتاج يكون معاك تعليم عالي وعامل معادلة لو شهادتك بتحتاج معادلة
والفيزا دي بيبقالها عدد محدد سنويا ، كوتة سنوية عباره عن 50 الف شخص ،
وبعد ما بتسوفي شروطها وتقدم عليها بتتعمل قرعه عشان يختاروا ال 50 الف شخص من بين كل ال قدموا
تاني تأشيرة اسمها H2A
Temporary agricultural worker
ودي عباره عن تأشيرة مؤقته للعمل الموسمي في مجال الزراعه في امريكا
سواء المهندسين الزراعيين او اي حد شغال في مجال الزراعة
تالت تأشيرة اسمها H2B
Temporary non agricultural worker
ودي عباره عن تأشيرة مؤقته للعمل الموسمي بشكل عام بعيدا عن مجال الزراعة
زي الشغل في المناجم مثلا في ولايات زي الاسكا
رابع تأشيرة اسمها H3
Trainee or special education visitor
ودي تأشيرة بتاخدها عشان تروح امريكا تاخد تدريب في تخصصك والتدريب ده ميكونش موجود منه في بلدك ،
وكمان للناس اللي هيشتغلوا في مجال ذوي الاحتياجات الخاصة
خامس تأشيرة اسمها L1
Intra company transfer
ودي تأشيرة للناس اللي شغالين في بلدهم أو بلاد تانية في شركات أو مؤسسات أمريكية وحابين يروحوا فرع الشركة في امريكا
وشرط اساسي انك تكون اشتغلت في شركتك الامريكيه دي سنه علي الاقل في اخر 3 سنين من شغلك
سادس تأشيرة اسمها O1
Extra ordinary ability or achievements
ودي تأشيرة للناس اللي يأما عندهم قدرات كبيرة في مجالهم سواء المجال العلمي أو الفنون او المجال التعليمي أو البيزنس أو حتي في المجال الرياضي
أو الناس اللي حققوا انجازات كبيرة في مجالهم وقدروا يحصلوا علي شهادات كبيرة في مجالهم زي الماستر والدكتوراه
سابع تأشيرة اسمها Q1
Participant in an international cultural exchange program
ودي تأشيرة للناس ال شغالين في اي مجال له علاقه بالثقافه سواء
المتاحف ، المسارح ، الكتب ، الروايات ، الفلكلور ، وهكذا
وهيروحوا امريكا في برنامج تبادل عشان ينقلوا الثقافه بتاعتهم دي لأمريكا
ثامن تأشيرة اسمها P1
Individual or team athlete or member of an entertainment group
ودي تأشيرة للناس اللي اقرب مثال ليها البيج رامي اللي خد ماستر اولمبيا
يعني شخص أو جروب من الأشخاص هيسافروا الولايات المتحده عشان ينافسوا في مسابقات ومهرجانات هناك
وبتندرج تحتها فئتين :
ال P2 ودي للفنانيين والمطربين والراقصين ال شغالين في مؤسسه في بلدهم وهيعملوا برنامج تبادل مع مؤسسه في نفس التخصص في امريكا
وال P3 ودي للمدربين بتوع التخصصات دي
المدربين ال بيدربوا أو هيعلموا الرياضيين أو الفنانيين دول
تاسع تأشيرة اسمها I visa
Media and TV visa
ودي خاصه بالناس اللي شغالين في الميديا بشكل عام
سواء مذيعيين أو مقدمين برامج او يوتيوبرز أو مدونين أو بلوجرز ، اي حاجه ليها علاقه بالميديا والعلانات
شرح التأشيرة بالكامل من خلال هذا الرابط اضغط هنا
عاشر تأشيرة اسمها R visa
Religious Worker visa
ودي خاصة بالناس اللي شغالين في المجال الديني
سواء شيوخ أو قساوسة وهيروحوا امريكا يشتغلوا في المناسبات الدينية الخاصه بالدين بتاتهم فى امريكا
زي مثلا الشيوخ اللي بتروح تشتغل في المراكز الإسلامية هناك أو الشيوخ ال بتصلي بالناس التراويح في شهر رمضان ، وهكذا
شرح التأشيرة بالكامل من خلال هذا الرابط اضغط هنا
تاني مجموعة من تأشيرات العمل وهي اسمها Exchange visitor visa
اللي هي الاختصار بتاعها الرمز J
طيب مين يقدر ياخد ال J visa دي ويروح يشتغل هناك ؟
فيه حالات كثيره جدا تقدر تاخد فيها الفيزا دي
الشرح الكامل لتأشيرات تلك المجموعة مع طريقة التقديم لهذه المجموعة
في هذا الرابط اضغط هنا
اولا ال Aupair أو ال Educare
يعني العماله أو الرعاية المنزلية
يعني الناس اللي هتشتغل بيبي ستر أو عماله منزليه في بيوت ناس امريكان محتاجين ناس تاخد بالهم من أطفالهم
أو للناس ال هيشتغلوا في تعليم الأطفال في دور الرعايه المستقله في امريكا
للتسجيل في موقع العمالة المنزلية الامريكية اضغط هنا
ثانيا ال Camp Counselor
أو ال Summer work travel
يعني الناس اللي بتشتغل في معسكرات أو في الكامبات الصيفية في امريكا
ودي بتبقي فتره مؤقته في شهور الصيف أو حسب ما وقت الكامب ما ينتهي
اقرأ ايضا : كامب صيفي في امريكا مدفوع الأجر بالكامل بدون شهادة لغة
من خلال هذا الرابط اضغط هنا
ثالثا Short term Scholarship
أو ال Research Scholarship
يعني الناس اللي بياخدوا منح قصيرة أو منح بحثية مدتها لا تتعدي سنه في امريكا
يعني المنح القصيرة أو البرامج البحثية دي مدتها بتكون تلات شهور ، ست شهور ، سنه بالكثير
ودي سواء للطلبة أو المعيدين والمدرسين المساعدين في الجامعات
رابعا ال Internship
أو ال Trainee
يعني الناس اللي بتروح تتدرب تدريبات مدفوعه الاجر في امريكا في تخصصهم
سواء كانت تدريبات في الجامعات الأمريكية الأكاديمية المختلفه أو تدريبات في مستشفيات وعيادات وشركات مستقله تبع التخصص بتاعك في امريكا
خامسا ال Teachers
يعني المدرسين بمختلف تخصصاتهم اللي بيروحوا يدرسوا التخصص بتاعهم ده في مدارس ومؤسسات التعليم الأمريكية المختلفه
سادسا ال University or College Students
يعني طلاب الجامعه اللي هيشاركوا في برامج تبادل مع طلاب جامعات امريكا في تخصصهم
وبيدرسوا التخصص بتاعهم علي حساب المؤسسات والجامعات والكليات الأمريكية بالكامل
كده خلصنا من المجموعه التانيه من تأشيرات العمل وهي ال Exchange Visitor visa
تالت مجموعه من تأشيرات العمل في امريكا وهي
ال Employment Based Immigrant Visa
وهي ال E Visa
تأشيرات العمالة الماهرة
والتأشيرات دي شرطها أن صاحب العمل اللي هتشتغل عنده في امريكا هيروح مكتب العمل والجنسية الأمريكي اللي اسمه USCIS ويملي ابلكيشن وياخد موافقه منهم عشان يجيبك تشتغل عنده
ودول 3 تأشيرات وهما E1 و E2 و E3
الشرح الكامل لتأشيرات تلك المجموعة مع طريقة التقديم لهذه المجموعة
في هذا الرابط اضغط هنا
فيزا ال E3
Employment third preference
ودي شروطها حسب انت انهي نوع
1- Skilled workers
عماله ماهرة فلازم ع الاقل يكون معاك سنتين خبره في مجالك ويكون المجال ده دائم مش موسمي
2- Professionals
فلازم يكون علي الاقل معاك بكالريوس أو ليسانس وتكون عامل معادلة لو مهنتك بتحتاج معادلة
3- Unskilled workers
يعني انت عامل أو حرفي عادل ودي للوظائف ال مش بتحتاج سنتين خبره او تدريب مسبق
فيزا ال E2
Employment second preference
ودي شروطها حسب انت انهي نوع
1- professionals holding advanced degree
فلازم ساعتها يكون معاك أقل حاجه بكالريوس و عندك خمس سنين خبره علي الاقل في مجالك
2- personal with exceptional ability
يعني عندك خبره عاليه جدا في مجالات العلوم أو البيزنس أو الفنون
فيزا ال E1
Employment First Preference
ودي انك تكون
1- Person With Extra Ordinary Ability
وده مش مطلوب منك عقد عمل
لكن لازم تكون مخلص المعادله بتاعتك تبع تخصصك في امريكا
وتكون خبير في مجالك
2- Multinational Managers Or Executives
ودول للمديريين ال شغالين لمده سنه ع الاقل في شركات مالتي ناشونال منهم شركة أو مؤسسة أمريكية
3- Outstanding professors and researchers
ودي للأساتذة أو الباحثين اللي شغالين لمده تلات سنين ع الاقل في مجالهم واللي عاملين معادلة في مجالهم ومعترف بيهم دوليا